தலையில்லாமல் நீந்தி வந்த அதிசய மீன் - இணையத்தில் வைரலாகும் வீடியோ!

மீன் அதன் தலையை எப்படி இழந்தது என்று தெரியவில்லை, வெட்டுபட்டதா அல்லது வேறு எதாவது பெரிய உயிரினம் அந்த மீன் தலையை சாப்பிட்டுவிட்டதா போன்ற கேள்விகள் எழும்.

தலையில்லாமல் நீந்தி வந்த மீன்; அதிர்ச்சியில் இணையம் - வைரலாகும் வீடியோ!Twitter

இணையத்தில் பரவும் பல வீடியோக்கள், இப்படியும் உலகலில் நடக்குமா என நம்மை ஆச்சரியத்தில் ஆழ்த்தும்.

அப்படிப்பட்ட ஒன்று தான் இணையத்தில் வைரலாகி வரும் இந்த மீனின் வீடியோ. Oddly Terrifying என்ற ஐடியிலிருந்து பகிரப்பட்டுள்ள வீடியோ ஒன்றில், மீன் ஒன்று நீந்தி வருவது தெரிகிறது.

அழகாக வளைந்து நெளிந்து எல்லா மீன்களும் நீந்துவது போல நீந்தி வருகிறது சாம்பல் நிறத்தில் இருக்கும் இந்த மீன்.

இந்த வீடியோ பார்ப்பவரை பயமுறுத்தும் விதமாக உள்ளது

மீன் நீந்துவதில் என்ன பயம் என்று கேட்கிறீர்களா? வீடியோவை பார்த்தால் தெரியும், அந்த மீனுக்கு தலையில்லை.

அமெரிக்கா : தலையில்லாமல் 18 மாதம் வாழ்ந்த கோழி : அறிவியலை மிஞ்சும் அதிசய கதை!

Fish swimming with no head 😳 pic.twitter.com/PPKoPIVFn3
— OddIy Terrifying (@OTerrifying) April 18, 2023

சரி அப்படியே ஏதாவது விபத்தினால் மீன் அதன் தலையை இழந்திருந்தாலும், அது எப்படி உயிருடன் இருக்கிறது என்பது அடுத்த கேள்வி.

வீடியோவை எடுத்துள்ள நபர் அந்த மீனை தொட முயற்சிக்கிறார். அந்த மீன் நகர்ந்து செல்கிறது. இதனை ஜாம்பி மீன் என்று பலரும் இணையத்தில் கூறி வருகின்றனர்.

ஒரு பக்கம் இது எப்படி சாத்தியம் என்று எல்லோரும் கேட்டுவரும் நிலையில், மற்றொரு புறம், இந்த கொடூர செயலை யார் செய்திருப்பார் என கேள்விகள் எழுந்துவருகிறது. இந்த வீடியோ இதுவரை 1.4 மில்லியன் பார்வைகளை கடந்துள்ளது