தம்பதிகளிடம் பிரபலமாகும் ‘sleep divorce’ - தூக்க விவாகரத்தை ஏன் விரும்புகிறார்கள்?

தனித்தனி படுக்கைகளில் உறங்க தம்பதிகள் நாட்டம் காண்பிப்பதால் இது “ தூக்க விவாகரத்து” என ட்ரெண்டாகி வருகிறது.

தம்பதிகளிடம் பிரபலமாகும் ‘sleep divorce’ - தூக்க விவாகரத்தை ஏன் விரும்புகிறார்கள்?Twitter

தூக்கம் மனிதனுக்கு அத்தியாவசியமான ஒன்று. இரவில் ஒரு நல்ல தூக்கம் இல்லாமல் பலர் போராடி வருகின்றனர்.

பகல் முழுவதும் வேலை செய்த களைப்பில் எப்போது வீட்டுக்கு சென்று உறங்கலாம் என்று தோன்றும். தனியாக இருக்கும் வரையிலும் சரி, இப்படி தம்பதியாக இருந்தால்...

வீட்டிற்கு வந்ததும் எதோ ஒரு சண்டை தொடங்கிவிடுகிறது. இதனால் கோபமடைந்து படுக்கைக்குச் செல்லும் தம்பதிகளிடையே பெரும் விரிசல் ஏற்படுகிறது. கோபமாக படுக்கை வரை செல்வது அவ்வளவு நல்ல நடைமுறை இல்லை என்றாலும், பல தம்பதிகள் இதை செய்கின்றனர்.

தூக்க சுழற்சியில் பதற்றத்தை உருவாக்குவதால் இது மிகவும் சிக்கலாக உள்ளது.

தம்பதிகள் படுக்கைக்கு வரும்போது சண்டை மற்றும் பதற்றத்தைத் தவிர்க்க என்ன செய்யலாம்?

தனித்தனியாக தூங்குங்கள்!

பைத்தியகரமாக தோன்றினாலும், தனித்தனியாக தூங்கும் தம்பதிகள் சிறந்த மன நிறைவான இரவு தூக்கத்தை அனுபவிக்க முயல்கின்றனர்.

ஒரு வசதியான படுக்கையில் உங்கள் துணையுடன் இரவில் தூங்குவது சிறந்த உணர்வாக இருந்தாலும், உங்கள் இருவருக்கும் இடையே கருத்து வேறுபாடுகள் இருந்தால் அது அப்போது சிறந்ததல்ல. எனவே, ஒரு நல்ல இரவு தூக்கத்தைப் பெற, உங்கள் மன மற்றும் உடல் ஆரோக்கியம் மேம்பட தனித்தனியாக தூங்குவது ஒரு சிறந்த வழி.

உறங்கும் போது வாசனை தெரியாது, தும்மல் வராது: தூக்கம் பற்றிய சில சுவாரஸ்ய தகவல்கள்

இதனால் அவர்கள் இரவில் நல்ல ஓய்வு கொடுக்க முடியும், அதே நேரத்தில் இரவு நேரத்தில் தங்கள் துணையுடன் எந்தவிதமான சண்டைகளையும் தவிர்க்கலாம். இந்த போக்கு அடிப்படையில், 'தூக்க விவாகரத்து' என்று பெயரிடப்பட்டுள்ளது. தம்பதியினர் வெவ்வேறு படுக்கைகள், அறைகளில் கூட தூங்கலாம்.

இவ்வாறு செய்வதால் இந்த நேரத்தில் உள்ள கோபத்தை, வாக்குவாத்தை தவிர்க்கலாம்.

தனிமையில் பல விஷயங்களை யோசிக்கலாம், பல தெளிவான தீர்வுகள் எட்டும். இதனால் அந்த நிமிடத்தில் வரும் பதற்றம், தூக்கமின்மை, கோபம் ஆகியவையை கட்டுபடுத்த முடியும்.

தனித்தனி படுக்கைகள் அல்லது அறைகளில் தூங்குவது எப்படி ஒரு நல்ல தீர்வாக இருக்கும் என்று நிபுணர்கள் கருத்து தெரிவிக்கின்றனர். அவர்கள் தனித்தனி இடைவெளியில் தூங்கினாலும், இது பிணைப்பைத் தொடர தான் செய்யும் என்கின்றனர்.