21ஆம் நூற்றாண்டில் உருவான நாடுகள் பற்றி தெரியுமா?

உலகம் முழுவதும் 195 நாடுகள் தற்போது இருந்தாலும், ஒரு சில நாடுகள் ஒரு நாட்டிலிருந்து பிரிந்து சுதந்திரம் அடைந்திருக்கிறது. சுதந்திரம் என்றவுடன் 19ஆம் நூற்றாண்டுக்கு போகவேண்டாம், 21 ஆம் நூற்றாண்டில் உருவான நாடுகள் பற்றி இங்கே தெரிந்துகொள்ளலாம்.

Countries Born In The 21st CenturyTwitter

உலகில் தற்போது 195 நாடுகள் உள்ளன. இதில் ஒரு சில நாடுகள் வேறொரு நாட்டில் இருந்து பிரிந்து தனி சுதந்திர நாடாக அறிவிக்கப்பட்டது.

இவற்றில் சமீபத்தில் உருவான நாடுகளை பற்றி தான் சொல்ல போகிறோம்.

தெற்கு சூடான்

கிழக்கு ஆப்பிரிக்க நாடான இது ஜூலை 9, 2011 அன்று பிரிந்து தனி நாடாக உருவானது. இது சூடானின் பத்து தெற்கு மாநிலங்களை உள்ளடக்கியது.

தெற்கு சூடான் 1899 முதல் 1956 வரை இங்கிலாந்து மாறும் எகிப்தால் ஆக்கிரமிக்கப்பட்டு இருந்தது. சுதந்திர தேசமாக மாறுவதற்கான போராட்டம் பல தசாப்தங்களாக நீடித்த பின்னர் தனி நாடானது.

கொசோவா

கொசோவா பிப்ரவரி 17, 2008 அன்று செர்பியாவிலிருந்து சுதந்திரம் பெற்றது. அதன் இறையாண்மைக்கான போராட்டம் ஒரு நூற்றாண்டுக்கு முன்பு தொடங்கியது, செர்பியா ஒட்டோமான் பேரரசில் இருந்து பிரிந்து தனி நாடானது. இருந்தபோதிலும் செர்பியா கொசோவோவை ஒரு இறையாண்மை நாடாக அங்கீகரிக்கவில்லை.

பழங்காலத்தில், ரோமானியப் பேரரசு, பைசண்டைன் , பல்கேரியப் , செர்பியப் பேரரசு மற்றும் ஒட்டோமான் பேரரசு உள்ளிட்ட பல்வேறு பேரரசுகளால் கொசோவோ ஆளப்பட்டது.

மாண்டினீக்ரோ

மாண்டினீக்ரோவும் சேர்பியாவில் இருந்து பிரிந்தது தான். ஜூன் 2, 2006 இல் மாண்டினீக்ரோ தனி இராச்சியமாக மாறியது.

முதலாம் உலகப் போருக்கு பின் யூகோஸ்லாவியாவின் ஒரு பகுதியாக இருந்த இது 1990 களில் செர்பியாவுடன் ஒரு கூட்டமைப்பை உருவாக்கியது. பின்னர் சுதந்திரம் பெற்றது.

செர்பியா

செர்பியா 2006 இல் மாண்டினீக்ரோவிலிருந்து பிரிந்தபோது அதன் சொந்த தேசமாக மாறியது. இரண்டாம் உலக போருக்கு பின்னர் யூகோஸ்லாவியாவாக இருந்து பின்னர் மாண்டினீக்ரோ பிரிந்ததும் செர்பியா தனி நாடானது.