டாக்டர் ஷர்மிகா மீது நடவடிக்கை: இந்திய மருத்துவ இணை இயக்குநர் எச்சரிக்கை - என்ன காரணம்?

பாஜகவின் சிறுபான்மை அணி பிரிவின் தலைவியாக இருப்பவர் டெய்சி சரண். இவரின் மகள் தான் ஷர்மிகா. சித்த மருத்துவரான இவர் ஒரு தனியார் மருத்துவமனையில் மருத்துவராக உள்ளார்.

இவர் அவ்வபோது பல ஊடங்களுக்கு பேட்டி கொடுத்து வருவார். உடல் நலம் சம்மந்தமான கேள்விகளுக்கு பதிலளித்து வருவார்.

அதிலும் சில பதில்களுக்காக ட்ரோல்களில் சிக்கிக் கொண்டார்.

நம்மை விட பெரிய மிருகத்தை சாப்பிட்டால் நமக்கு ஜீரணம் ஆகாது

ஒரு குலோப் ஜாமுன் சாப்பிட்டால் மூன்று கிலோ எடை ஒரேநாளில் கூடும்.

கணவன் மனைவி சேர்வதால் மட்டும் குழந்தை பிறந்துவிடாது.

பெண்கள் அயோடின் உப்பை பயன்படுத்தக் கூடாது.

குப்புறப்படுத்தால் மார்பகப் புற்றுநோய் வரும்

என்றெல்லாம் பேசியிருந்தார்.

இவர் சொல்வதற்கு மருத்துவ ரீதியாக எந்தவிதமான ஆதாரமும் கிடையாது. தன்னைப் பிரபலப்படுத்திக்கொள்வதற்காகவே இவ்வாறு மருத்துவர் ஷர்மிகா இவ்வாறு பேசி வருவதாக பலர் கருத்துகளை தெரிவித்து வருகின்றனர்.

இந்த நிலையில் தமிழக அரசின் இந்திய மருத்துவம் மற்றும் ஹோமியோபதி மருத்துவத் துறையின் இணை இயக்குநர் டாக்டர் பார்த்திபன் ஷர்மிகா மீது நடவடிக்கை எடுக்கப்படும் என்று கூறியுள்ளார்.

இதுகுறித்து அவர் கூறுகையில்,

ஷர்மிகா ஒரு தனியார் மருத்துவமனையின் மருத்துவராக சமூக ஊடகங்களில் கருத்துகளை சொல்ல எந்த தடையும் இல்லை. ஆனால் அவர் மருத்துவ விதிகளின்படி தவறான கருத்தை பரப்பக் கூடாது.

அதுவும் சித்த மருத்துவத்தில் மாட்டுக் கறி மட்டுமல்லாமல் எந்த இறைச்சியையும் சாப்பிடக் கூடாது என குறிப்பிடவில்லை. யாருக்கு சத்தான உணவு தேவைப்படுகிறதோ அது சைவமாக இருந்தாலும் சரி அசைவமாக இருந்தாலும் சரி அவர்கள் விருப்பப்படி சாப்பிடலாம்.

ஒரு மருத்துவர் மருத்துவ ரீதியான கருத்துகளை மட்டுமே மக்களிடம் சொல்ல வேண்டும்.

மருத்துவத்திற்கு அப்பாற்பட்டு சொல்லக் கூடாது. மருத்துவ நெறிமுறைகளுக்கு எதிராக தவறான கருத்துகளை பேசும் ஷர்மிகா குறித்து பொதுமக்கள் யாராவது புகார் கொடுத்தால் கண்டிப்பாக நடவடிக்கை எடுக்கப்படும் என்றார்.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

 Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

 Pls send your Valuable feedbacks to : feedback@newssensetn.com

 Follow us on:

 Newssensetn : https://www.facebook.com/FullyNewsy

 Nalam 360 : https://www.facebook.com/Nalam360

 Newsnow: https://www.facebook.com/GenZSense

 TamilFlashnews: https://www.facebook.com/tamilflashnewsapp

 Hangout : https://www.facebook.com/TamilWanderlust