இந்திய வாகனங்களில் உள்ள வெவ்வேறு நிற நம்பர் பிளேட்களுக்கு என்ன அர்த்தம் தெரியுமா?

இந்தியாவில் இயங்கும் கார்கள் அல்லது பிற வாகனங்களில் வெள்ளை, மஞ்சள், கருப்பு மற்றும் சிவப்பு போன்ற பல நிறங்களில் நம்பர் பிளேட்டுகளை பார்த்திருப்பீர்கள்.

ஆனால் அந்த நம்பர் பிளேட்களுக்கு என்ன அர்த்தம் என்று தெரியுமா? வாருங்கள் இந்த கட்டுரையில் தெரிந்து கொள்ளலாம்.

சிவப்பு நிற நம்பர் பிளேட்

இந்திய குடியரசுத் தலைவர் மற்றும் பல்வேறு மாநிலங்களின் ஆளுநர்களுக்கு இந்த வகை நம்பர் பிளேட் பயன்படுத்தப்படுகிறது.

அத்தகைய வாகனங்களில், உரிம எண்ணுக்கு பதிலாக "இந்தியாவின் சின்னம்" குறிப்பிடப்படுகிறது.

இந்தியப் பிரதமர் காரின் நம்பர் பிளேட் சாதாரண கார் போல வெள்ளை நிறத்தில் இருக்கும் என்பது குறிப்பிடத்தக்கது.

நீல நிற நம்பர் பிளேட்

வெளிநாட்டு பிரதிநிதிகள் அல்லது தூதர்கள் பயன்படுத்தும் வாகனத்திற்கு நீல நிற நம்பர் பிளேட் வழங்கப்படுகிறது.

இந்த பிளேட்டில் வெள்ளை மையினால் எண்கள் எழுதப்பட்டிருக்கும். இந்த பிளேட்டில் இந்திய அரசின் குறியீட்டிற்குப் பதிலாக தூதர்கள் சேர்ந்த நாட்டின் குறியீடு பயன்படுத்தப்படுகிறது.

வெள்ளை நிற நம்பர் பிளேட்

வெள்ளை நிற நம்பர் பிளேட்டில் கறுப்பு மையால் எண் எழுதப்பட்டிருந்தால், அந்த கார் சாதாரண குடிமகனுக்கு சொந்தமானது என்று அர்த்தம்.

வெள்ளை நிற நம்பர் பிளேட் கொண்ட வாகனத்தை வணிக நோக்கங்களுக்காக பயன்படுத்த முடியாது என்பது குறிப்பிடத்தக்கது.

மஞ்சள் நிற நம்பர் பிளேட்

வாகனத்தின் நம்பர் பிளேட் மஞ்சள் நிறத்தில் இருந்து அதில் கருப்பு மை கொண்டு எழுதப்பட்டிருந்தால், அந்த வாகனம் வணிக வாகனம் என்று குறிப்பிடப்படுகிறது.

இந்த நம்பர் பிளேட் உடைய வாகனங்கள் பயணிகள் அல்லது சரக்குகளை ஏற்றி செல்ல பயன்படுகிறது.

அதாவது உபெர், ஓலா வண்டிகள் அல்லது லாரிகள், பேருந்துகள் இதில் அடங்கும்

அனைத்து டிரக் அல்லது டாக்ஸி ஓட்டுநர்களும் இதுபோன்ற வணிக வாகனங்களை ஓட்ட வணிக ரீதியான ஓட்டுநர் உரிமம் வைத்திருப்பது கட்டாயமாகும்.

ராணூவ வாகனங்கள் நம்பர் பிளேட்

இராணுவ வாகனங்கள் வேறு எந்த நம்பர் பிளேட்டுகளை போலல்லாமல் ஒரு தனித்துவமான எண் முறையைப் பின்பற்றுகின்றன.

டெல்லியின் பாதுகாப்பு அமைச்சின் கீழ் இந்த எண்கள் பதிவு செய்யப்பட்டுள்ளன. இந்த வகை எண் தட்டில் 11 இலக்கங்கள் உள்ளன.

நாட்டின் போக்குவரத்து நிர்வாகத்தை முறையாக இயக்க இந்த எண் முறை உருவாக்கப்பட்டுள்ளது என்பது குறிப்பிடத்தக்கது.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust