நடிகர் செவ்வாழை ராசு காலமானார்; திரைத்துறையினர் இரங்கல்

கிழக்குச் சீமையிலே படத்தில் தான் இவர் அறிமுகமானார் என்பது குறிப்பிடதக்கது. பருத்திவீரன் திரைப்படத்தின் மூலம் செவ்வாழை ராசு பிரபலமானார்.

நடிகர் செவ்வாழை ராசு காலமானார்; திரைத்துறையினர் இரங்கல்ட்விட்டர்

தமிழ் சினிமாவில் காமெடி, குணசித்திர வேடங்களில் நடித்து வந்த நடிகர் செவ்வாழை ராசு உடல்நலக் குறைவு காரணமாக காலமானார். இவருக்கு வயது 70.

இவர் மதுரை தனியார் மருத்துவமனையில் சிகிச்சை பெற்றுவந்த நிலையில், சிகிச்சை பலனின்றி இன்று காலமானார்.

பருத்திவீரன் தவிர, மைனா, கந்தசாமி உள்ளிட்ட படங்களிலும் நடித்திருக்கிறார். செவ்வாழை ராசு தனது தனித்துவமான குரலின் காரணமாக அடையாளம் காணப்பட்டார்.

இவரது சொந்த ஊர் தேனி. விவசாயக் குடும்பத்தை சேர்ந்தவரான ராசு, தான் சிவப்பாக இருந்ததால், எல்லோரும் அவரை செவ்வாழை ராசு என்று அழைத்ததாக பேட்டி ஒன்றில் கூறியிருந்தார். இவருக்கு மூன்று மகன்கள்.

திரைத்துறையினர் இவரது மரணத்திற்கு இரங்கல் தெரிவித்து வருகின்றனர்.