குப்பைகளை ஏலத்தில் விற்று மாதம் 4 லட்சம் சம்பாதிக்கும் பெண்கள் - எங்கே?

வெரோனிக்காவும் அவரது நண்பர் வில்சனும் கடந்த ஜூன் மாதம் விளையாட்டாக டம்ப்ஸ்டர் டைவிங் என்ற பெயரில் இந்த செயலைத் தொடங்கினர். 6 மாத காலத்தில் இது அவர்களுக்கு வருவாய் தரும் முழுநேர வேலையாகவே மாறியது.

குப்பைகளை ஏலத்தில் விற்று மாதம் 4 லட்சம் சம்பாதிக்கும் பெண்கள் - எங்கே?twitter

ஒரு மனிதனின் குப்பை மற்றொருவருக்கு பொக்கிஷம் எனக் கூறுவதைக் கேள்விப்பட்டிருப்போம். இவர்களது விஷயத்தில் அது முற்றிலும் உண்மை. குப்பைதான் இவர்களின் வருமானத்துக்கான மூலமாக இருக்கிறது.

குப்பைகளை மொத்தமாக அரைக்காமல், கார்ப்பரேட் வேலைகள் எதுவும் இல்லாமல் பயன்படுத்தக் கூடிய பொருட்களாக மாற்றி விற்பனை செய்து வருகிறார் வெரோனிக்கா டெய்லர் என்ற 32 வயது அமெரிக்கப் பெண்.

குப்பைகள் இருக்கும் இடங்களுக்கெல்லாம் பயணம் செய்யும் டெய்லர் அங்கிருந்து பொறுப்பற்ற முறையில் தூக்கியெறியப்பட்ட பொருட்களைத் தேடி எடுக்கிறார்.

பெரும்பாலும் தரமான வடிவமைப்பு பொருட்களை எடுக்கிறார். லில் வில்சன் என்ற அவரட்க்ஹு 38 வயது நண்பருடன் இணைந்து இவற்றை வாட்நாட் என்ற செயலி வழியாக நேரலை ஏலத்தில் விற்கின்றனர்.

சமூகத்தில் குப்பைகளையும் குறைத்து குறைந்த விலைக்கு பொருட்களையும் கொடுக்கும் வெரோனிக்காவுக்கு பாராட்டுகள் குவிந்து வருகின்றன.

தனது வேலை குறித்து அவர் “இது நிஜ வாழ்க்கையில் புதையல் வேட்டை போன்றது” எனக் குறிப்பிடுகிறார்.

18 வயதில் MBBS, 22-ல் IAS அதிகாரி, இப்போது கோடிகளில் சம்பாதிக்கும் தொழிலதிபர்- யார் இவர்?

இருவரும் அவர்களுக்கு கிடைக்கும் வருமானத்தை பாதிப்பாதியாக பிரித்துக்கொள்கின்றனர். பொருட்களை விற்கும் போது அவர்களுக்கு ஏலத்தில் பெருமளவு லாபம் கிடைப்பதாகவும் தெரிவித்துள்ளனர்.

இப்படி குப்பைகளை குடைந்து சுவாரஸ்யமான முறையில் வருமானம் ஈட்டுவது எப்போதுமே விடுமுறையில் இருப்பதைப் போலத் தோன்றுவதாகவும் வெரோனிக்கா கூறியிருக்கிறார்.

இந்த வேலையில் இருந்து ஒரு மாதத்திற்கு $4,000 முதல் $5,000 வரை சம்பாதித்ததாகக் கூறுகின்றனர். இந்திய மதிப்பில் 3.25 - 4.0 லட்சம்!